ارتفاع حرارة الأرض

بصراحة الموضوع يقلق فعلاً موضوع ارتفاع حرارة الأرض و التقرير البيئي اللي اصدرته لجنه من لجان الأمم المتحدة و اتكلمت فيه عن مظاهر الاحتباس الحراري و ارتفاع درجات الحرارة

 الموضوع ده هيسبب كوارث في مختلف أنحاء العالم في غضون 50 سنة قدام , يعني في دول ممكن تختفي بسبب ارتفاع مستوى المياه في البحار من 3 ل 6 أمتار و طبعاً ده نسبة كبيرة جداً جداً

قال التقرير إنه من المرجح أن يكون السبب في “معظم الزيادة الملحوظة في متوسط درجات الحرارة على مستوى العالم منذ منتصف القرن العشرين ، ناتج عن الزيادة الواضحة في تركيزات الغازات الدفيئة المسببة لظاهرة الاحتباس الحراري بفعل البشر”.
وأوضح أن تركيزات غازات الأكاسيد الكربونية والنيتروجينية والميثان ، ارتفعت بصورة غير مسبوقة في الغلاف الجوي منذ عام 1750 نتيجة للأنشطة البشرية.
يا ترى هل الدول و الحكومات هتعمل حاجه تواجه بيها المشكلة الخطيرة دي ..

المهم إن أول امبارح في كولومبيا عملوا يوم ميستخدموش فيها وسائل المواصلات اللي بتستخدم الوقود زي العربيات و الأوتبيسات و غيرها و الناس راحت شغلها مشي و بالعجل , بس على الرغم من إن في مصالح كتير اتعطلت إلا إن نسبة التلوث في اليوم ده انخفضت بشكل ملحوظ جداً هناك

يا ريت ده يتطبق في كل الدول مش في دوله واحده بس.. متتخيلوش لو اتطبق في كل دول العالم نسبة التلوث هتقل بدرجة مهولة جداً في اليوم ده , يا ريت الناس تبدأ تفكر في وسائل جديده تقلل بيها المشكلة دي اللي هتسبب إبادة شعوب و دول بتطل على البحار و المحيطات