عودة للتدوين
يوليو 13, 2007
السلام عليكم ,
باعتذر جداً للي زاروا المدونة و مكانش فيها أي جديد .. بس الواحد خلص امتحانات و بعد كده انشغل في حاجات كتير و ورش عمل و تدريب و كده بس الحمد لله الواحد رجع تاني ..
الواحد لسه راجع من اسكندرية و بصراحة الجو هناك روعة .. الواحد كان نفسه يفضل هناك لفترة أطول بس الظروف مسمحتش بس إن شاء الله الواحد يقدر يرجع هناك قريب ..
في البداية أحب أكتب عن نتيجة التاج اللي وصلني من محمد عبد الشكور صاحب مدونة اتكلّم عن إدمان التدوين و دي كانت النتيجة
التدوين عندي 64 % .. متهيألي نسبة معقولة جداً بالنسبة ليا .. بس يا ترى هل هتكون ثابتة و لا ممكن تزيد أو تنقص .. العلم عند الله .. لإجراء الاختبار .. اضغط هنا
الموقع اللي عامل الاختبار ده عليه مجموعات اختبارات جميلة جداً سواء كانت تقنية زي اختبار معرفة أكواد إتش تي إم إل خلال 5 دقائق .. أو اختبارات عامة زي معلوماتك عن الأفلام او اختبار القهوة و غيره .. بصراحة مجموعة الاختبارات دي عجبتني جداً و ممكن أي حد يجربها
إن شاء الله في انتظار الوصول للفكرة للتدوين عنها قريباً
في النهاية أمرر تاج اختبار التدوين لــ :
يوليو 13, 2007 at 7:04 ص
يا صباح النور والجمال كلو يا عسل
تعرف أنا قولت أكيد أنك روحت صيفك .. وطلع تخميني صح على ما يبدو
ألف حمد لله على السلامة يا باشا
بالنسبة لنتيجتي طلعت 51%
يلا مش بطالة ولا أيه
وحمد لله على سلامتك لتاني مرة
يوليو 13, 2007 at 11:29 ص
يا ريته كان تصييف .. الواحد راح هناك في دورة تدريبية صغيرة كده و رجع علطول
51 % حلو أوي .. متخيلهاش تزيد بقى
إدمان التدوين ملوش علاج
يوليو 18, 2007 at 3:25 م
على فكرة كل مرة ادخل علشان اعلق النت يفصل معايا اسفه بجد للتاخير
المهم الحمد لله انك بخير وشكر على التاج
على فكرة انا عملته بس مش نشرته طلعت نسبه التعلق بالتدوين حوالى 64 % يعنى مش نسبه كبيره الحمد لله اظن اخدت الاجازة عايزين مواضيع جديدة ياريت
يوليو 18, 2007 at 7:16 م
أهلاً بيكي يا رفقه , اه الواحد أخد الاجازة بس يا ريت الواحد استفاد .. الواحد كان ليه طموحات أكتر في الأجازه دي بس يلا الحمد لله خير
إن شاء الله أحاول اوصل لمواضيع جديدة أكتب فيها