Mission Completed

سبتمبر 1, 2007

السلام عليكم ,

 طبعاً استنيت انهارده زي ما قالوا نزول العروض الجديدة من شركات تقديم خدمة الإنترنت و فعلاً أهداف حملات انترنت بلا حدود اتحققت و حالياً في جميع الشركات الخدمتين متاحتين للمشتركين الجدد ..

 العرض الأول اشتراك محدد Limited(Volume) Package

و العرض الثاني اشتراك غير محدد Unlimited Package

و الأسعار زي ما هي مفيش تغيير و لا أي حاجة ..

LINK DSL Offers : http://www.linkdsl.com/LinkDSL_Code/Pages/DslAvailabilty/DslOfferNew.aspx

 TE Data Offers :
http://www.tedata.net/ADSL_pricing.htm

الأسعار تقريباً واحدة في الشركتين بالنسبة للإشتراك المحدود و الاختلاف في حجم التنزيل في الشهر ..

 على فكرة الاشتراك المحدد خدمة متاحة من فترة طويلة من بعض الشركات علشان محدش يفتكر إن دي حاجة جديدة ..

أتمنى أشوف اليوم اللي يحصل فيه تطوير بجد لبنية الاتصالات في مصر .. و تحيا مصر يا سيدي..

كل سنةو انتم طيبين .. خلاص رمضان قرّب و يا ريت نستغل فرصة الشهر الكريم بالدعاء و العبادة و يا ريت برضه ده ميكونش في رمضان بس !! .. اللهم بلغنا رمضان ..

و بالمناسبة دي , ده لينك أغنية رمضان جانا لمحمد عبد المطلب .. أنا فعلاً مبحسش برمضان إلا لما أسمع الأغنية دي ..  ( رمضـــــان جـــانا )

Posted by Hisham Sadek Filed in إنترنت, إنترنت بلا حدود, تكنولوجيا, خصوصي, رمضان, عام

7 Responses to “Mission Completed”

  1. mms911 Says:
    سبتمبر 1, 2007 at 2:47 م

    أسعار زي وشهم … الله يخرب بيوتهم
    ————
    وأنت بألف خير وصحة وسعادة يا هشام باشا

    الأغنيييية جودتها رهيييييييبة جدا جدا جدا

    ألف مليييييون شكر يا أبو البشاوات

    ____________________
    مع خالص تحياتي إليك يا أخي الفاضل

  2. Stylish Says:
    سبتمبر 1, 2007 at 10:30 م

    يبقى انت أكييد في مصر .. المهم إن شاء الله يكون شهر طيب و كريم علينا و على كل المسلمين

    تصور أنا قعدت كام يوم أدور على الأغنية بجودة عالية .. كل اللي لقيته مسجل من التليفزيون و غيره

    و فرحت اوي لما لقيت الجوده دي .. غالباً هي الأصل للأغنية ..

    الأغنية من موقع بارتي راديو الخاص بشركة جود نيوز جروب

    رمضـــــــان كـــــــــــــريم

  3. mms911 Says:
    سبتمبر 2, 2007 at 9:32 ص

    ما أنا عارف يا باشا أنك تلاقيك دوخت السبع دوخات لما تلاقي مواقع حطه عندها أغاني جودتها عالية قووووووي بالشكل دا، وبيقوا عاملين زي إبرة في كوم قش.

    كتر ألف خيرك يا عزيزي

    والله أكرم

  4. FTM Says:
    سبتمبر 2, 2007 at 8:16 م

    أخبار مفرحة بجد..اخر مرة سألت فى شركة لينك لم تكن هناك أخبار مؤكدة و أخبرونى انة توجد خطة واحدة للمشتركين الجدد و ان هذا النظام سيطبق من اول شهر سبتمبر…الحمد لله ..رمضان كريم و كل سنة و انت طيب .و الأمة الإسلامية بخير

  5. Stylish Says:
    سبتمبر 3, 2007 at 8:19 م

    FTM,

    اللي سمعته كمان ان في تخفيضات على السرعات العالية بس مش متأكد من الموضوع
    أتمنى إن دي تكون بداية
    و رمضان كريم

  6. انس عماد الدين عباس Says:
    سبتمبر 7, 2007 at 2:48 ص

    ده مش بمزاجهم
    ده خوفا و بسبب الحملات التي علي النت اللي هددت

    لأ ده وصلت الموضوع لكل صحفيي العالم

    وتوعدت بالوصول للامم المتحدة

    ولو الموضوع وصل لمظاهرات … الشباب كانوا يعمل مظاهرات
    بس هما خافوا بلاش نولعها معاهم

    رمضان كريم ياعم و شكرا علي الاغنية

  7. Ahmed Gabr Says:
    سبتمبر 16, 2007 at 8:49 م

    الانترنت في الوطن العربي مازال متأخرا بعقود طويلة مقارنة بالعالم المتقدم .. من حيث السرعة و الأسعار و الخدمة

Leave a Reply