تقنية Adobe AIR

تطبيق مفيد جداً .. متطور جداً .. مختلف عن البرامج اللي بتستخدمها كل يوم .. هي تقنية جديدة و قديمة .. جديدة بالنسبة لعالم البرامج و قديمة فهي موجودة من فترة .. تقنية Adobe AIR ..

كلمة AIR معناها Adobe Integrated runtime [*] .. كان اسمها قبل كده Apollo .. التقنية دي هدفها إنشاء تطبيقات إنترنت تعمل على سطح المكتب .. طبعاً قبل كده كان من الصعب التوفيق في عمل تطبيقات الإنترنت و ظهورها بنفس المميزات و الشكل عند كل المستخدمين .. تقنية AIR حلت المشكلة دي و بيستخدمها اللي عندهم خبرة في HTML, CSS, JavaScript, Flex و أكيد Flash .. أنا مش هتكلم عن الجانب ده في الموضوع و اللي عايز معلومات أكتر ممكن يزور موضوع البرنامج في بوابة مطوري المواقع ( المشروع ) Adobe AIR وعلاقته بتطوير المواقع .

التقنية دي أفرزت مجموعة رائعة من التطبيقات المفيدة لمعظم المستخدمين و أنا هاعرض منهم أفضل خمس تطبيقات استخدمتهم .

لتشغيل التطبيقات على جهازك لازم الأول يتم تثبيت برنامج Adobe AIR على جهازك.

تنزيل البرنامج لنظام ويندوز : Adobe AIR For Windows
تنزيل البرنامج لنظام ماكنتوش : Adobe AIR For Mac OS

1- Google Analytics on Adobe AIR

التطبيق بيعرضلك خدمة Google Analytics على سطح المكتب .. خدمة Google Analytics بتساعد أصحاب المواقع على معرفة إحصائيات المواقع و الزوار و عددهم يوميا و أماكنهم و كل المعلومات العامة المتعلقة بزوار المواقع

صفحة التطبيق : http://www.aboutnico.be/index.php/analytics-widget/

تنزيل: http://www.aboutnico.be/index.php/downloads/

 2- FineTune on Adobe AIR

التطبيق ده عبارة عن مشغل موسيقي مبني على تقنية AIR فيه مميزات كتيرة جداً منها سماعك لأغانيك المفضلة على الإنترنت بدون تنزيلها و خاصية البحث مفيدة جداً .

موقع التطبيق – تنزيل : http://www.finetune.com

3- AIRTalkr

التطبيق ده بديل عن مجموعة برامج المسنجر المستخدمة زي MSN , Yahoo , AOL , Google Talk .. و كمان فيه مستعرض للفيديو من موقع Youtube و مستعرض صور Flickr و غيره من المميزات

موقع التطبيق – تنزيل : http://www.airtalkr.com/

4- Adobe Media Player

التطبيق الأكثر شهرة من الشركة صاحبة التقنية .. يستخدم في استعراض ملفات الفيديو بامتدادات الفلاش و استعراض ملفات الفيديو على مواقع الفيديو الشهيرة و مدعم بخواص RSS

صفحة التطبيق : http://labs.adobe.com/wiki/index.php/Media_Player

تنزيل التطبيق : http://labs.adobe.com/downloads/mediaplayer.html

5- AirPress on Adobe AIR

التطبيق المتخصص في إدارة مدونات WordPress و dotClear  بدون الحاجة لزيارة صفحة إدارة المدونة من المتصفح

موقع التطبيق – تنزيل : http://www.airpress.org/