شبــ ــاب

السلام عليكم ..

رمضان خلص بسرعة جداً , أسرع مما تصورت .. مش عارف ليه رمضان السنه دي مختلف عن قبل كده .. الواحد محسش بيه زي كل سنة ..

الحمد لله عدّى على خير و بعودة الأيام يا رمضان .. و كل سنة و انتم طيبين و ربنا يتقبل منّا جميعاً .. و يا ريت نكون استغلينا وقتنا في المفيد .. أنا اختفيت في رمضان وسط الدراسة و الشغل مع بعض و الحمد لله على كل شىء ..

كل سنة و انتم طيبين تاني و عيدكم ” مبارك ” - مقصدش حاجة - و سعيد إن شاء الله و كلوا كحك بس افتكروا أخوكم الفقير إلى الله و تصبحوا على خير ..

السلام عليكم ,

 طبعاً استنيت انهارده زي ما قالوا نزول العروض الجديدة من شركات تقديم خدمة الإنترنت و فعلاً أهداف حملات انترنت بلا حدود اتحققت و حالياً في جميع الشركات الخدمتين متاحتين للمشتركين الجدد ..

 العرض الأول اشتراك محدد Limited(Volume) Package

و العرض الثاني اشتراك غير محدد Unlimited Package

و الأسعار زي ما هي مفيش تغيير و لا أي حاجة ..

LINK DSL Offers : http://www.linkdsl.com/LinkDSL_Code/Pages/DslAvailabilty/DslOfferNew.aspx

 TE Data Offers :
http://www.tedata.net/ADSL_pricing.htm

الأسعار تقريباً واحدة في الشركتين بالنسبة للإشتراك المحدود و الاختلاف في حجم التنزيل في الشهر ..

 على فكرة الاشتراك المحدد خدمة متاحة من فترة طويلة من بعض الشركات علشان محدش يفتكر إن دي حاجة جديدة ..

أتمنى أشوف اليوم اللي يحصل فيه تطوير بجد لبنية الاتصالات في مصر .. و تحيا مصر يا سيدي..

كل سنةو انتم طيبين .. خلاص رمضان قرّب و يا ريت نستغل فرصة الشهر الكريم بالدعاء و العبادة و يا ريت برضه ده ميكونش في رمضان بس !! .. اللهم بلغنا رمضان ..

و بالمناسبة دي , ده لينك أغنية رمضان جانا لمحمد عبد المطلب .. أنا فعلاً مبحسش برمضان إلا لما أسمع الأغنية دي ..  ( رمضـــــان جـــانا )