إنترنت بلا حدود

يوليو 23, 2007

اللي ميعرفش يعرف .. و اللي عرف يعّرف غيره

تخفيض أسعار الانترنت فائق السرعة 50% .. للوهلة الأولى يعجبك الخبر و تقول الحمدلله بس ادخل و اقرأ الخبر بقى

وحدد مجلس إدارة الجهاز طاقة التنزيل بطاقة تحميل 2 جيجا شهريا أو تحديد عدد ساعات الربط حسب طلب المشترك ، وعند طلب المشترك طاقة تنزيل أو ساعات ربط إضافية يتم سداد المقابل الشهري الإضافي.

 

و كتير مننا قرأ الخبر ده و استنكر الموضوع .. لكن اللي معجبنيش خروج السيد المسئول في اليوم التاني و يقول إن النظام ده مبيحددش عدد ساعات الاستخدام و انك ممكن تفضل مشغل الخط للوقت اللي انت عايزه .. طيب يا سيادة المسئول ماهو ده مخصوم من استخدامي لطاقة التحميل أو بالأحرى (التنزيل) اللي انا اخدتها .. غير كده إن 2 جيجا شهرياً أو 60 ساعة بقيمة 45 جنيه أغلى من اشتراك غير محدود بنفس السرعة و بـ 95 جنيه ..

يا سيادة المسئول إنت بدل ما بتحاول تقلل من الوصلات غير المشروعة بتزودها أكتر و أكتر و النظام أثبت فشله قبل كده لما كانت إحدى الشركات طبقته و حتى في الدول الأخرى النظام غير مستخدم بل بتوصل السرعة أضعاف أضعاف أكبر سرعة إنترنت في مصر و هي 3.5 ميجا ..

أعتقد إن السيد المسئول لازم ياخد في باله إنه بيكلم ناس ربنا رزقها بعقل تفكر بيه و إنه مش بيكلم واحد قاعد على شط الترعة و بياكل قصب .. انت بتكلم مستخدم واعي عارف إن ده تقييد لحق الاستخدام و حرية التنزيل للمستخدم .. كل مستخدم حر في إنه ينزل اللي هو عايزه بدون قيود اللي عايز أفلام , أغاني , برامج .. كل واحد حر.. أي نعم الانترنت مش أفلام و أغاني و بس لا عندك حق فيه كم معلومات لا حصر لها .. لكن المستخدم حر في كيفية استخدام الخط الخاص بيه ..

 

أقل السرعات اللي ممكن تشوفها في أوروبا مثلاً 8 ميجا/ثانية و طبعاً بأسعار زهيدة ممكن توصل لـ 50 يورو شهرياً .. أعتقد إن لو الهيئة المسئولة اهتمت بتطوير و زيادة السرعات و في نفس الوقت تكون الجودة أحسن و بأسعار مناسبة للمستخدم أحسن ما تحاول تطبق نظام (فاشل) .. النظام هيتم تطبيقه من أول سبتمبر و يا خبر انهارده بفلوس بكره يبقى ببلاش ..

 

في بعض المواقع ظهرت بتتكلم عن الموضوع ده و بتعمل حملة كبيرة سواء بين المستخدمين أو لإيصال المشكلة لوسائل الإعلام و توقيع عريضة ضد النظام الجديد في تحديد استهلاك المستخدم للإنترنت اللي يقال عليه “فائق السرعة” ده لو كان كده فعلاً.

www.mesh-gayeb.com

www.netegypt.ch

http://msh-ana.blogspot.com/2007/07/blog-post_22.html

Advertisements

12 تعليق “إنترنت بلا حدود”


  1. السلام عليكم,

    انا بالفعل اتفاجئت بالقرار ده أول امبارح و أول من يرفضه
    مش عارف , طيب هما ليه عملوا انترنت فائق السرعة اساساً !

    المهم اني كالعادة لازم انشر الموضوع و ادعمه في مدونتي
    و عملت لكل موقع من الموقعين زي بلوك صغير اتمني ان كل واحد رافض للقضية انه يدعم القضية دي في موقعه و لو بكلمة.

    انا كنت ناوي أكتب عن الموضوع بس انتا كفيت و زيادة و هاكتفي بالtraceback
    تحياتي,,
    محمد عبد الشكور عرب


  2. […] باستفاضة في مدونته Stylish عن هذا الموضوع تدوينه بعنوان انترنت بلا حدود و صديقي ابراهيم عبد الغني في مدونته ثواب تدوينه بعنوان […]

  3. mms911 Says:

    الحتت دي جامدة جدا

    “أعتقد إن السيد المسئول لازم ياخد في باله إنه بيكلم ناس ربنا رزقها بعقل تفكر بيه و إنه مش بيكلم واحد قاعد على شط الترعة و بياكل قصب”
    :mrgreen:

    ——

    “جهاز تبويظ الإتصالات”
    :mrgreen:


  4. يا جماعة الحملة بتاعتنا طلعت على القاهرة اليوم بتاع عمرو أديب، و جاب الوزير و قعدوا يتنحوا قدام بعض و في الآخر البيه شكله عاوز يمشي اللي في دماغه

    و علشان كده احنا لازم يكون لينا رد و سريع كمان

    و احنا بدأنا فعلاً… و التفاصيل انا جمعتها على مدونتي

  5. FTM Says:

    و الله قرار بجد يدل على متخذينة ..ليس امامنا الا الإحتجاج فى المدونة طالما احنا عايشين فى بلد ديموقراطى بيعمل حساب لرأى الناس ..و سلم لى على الديمقراطية فى ازهى عصورها

  6. Stylish Says:

    للأسف رد وزير الاتصالات في برنامج القاهرة اليوم “لا يسمن ولا يغني من جوع” .. بس صوتنا بيوصل و لازم نكمل و نستمر

    إنترنت بلا حدود| الشامل في كشف خدعة طارق كامل

  7. Asmaa Says:

    فعلاً هو يكلم أشخاص واعين ويروح (يستعبط عليهم) الله يعينكم
    احتجوا وعسى تأتي نتيجه
    ونحن معكم

  8. freedsl Says:

    NO DSL
    25-8-2007
    we will cancel and boycott the ADSL

    Hope You’ll Join


  9. تم نشر إجابة الاستفتاء على موقع مجلة رؤى الثقافية


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: